МагъчIваялъе рес

Москваялъул прокуратураялъ байбихьана ришватчилъиялда данде къеркьолеб Фондалъул хал гьабизе. Прокуратураялъ гьелдаса тΙалаб гьабулеб буго жиндие гΙарац щолел киналго бакΙазул документал.

Гьедин лъазабуна гьеб Фонд гΙуцΙарав ва Россиялъул тΙалъиялда данде чΙаравлъун рикΙкΙунев политик Алексей Навальныяс. Прокуратураялъ гьединго тΙалаб гьарулел руго ахираб лъабго соналда жанир прессаялда рахъарал гьеб Фондалъул макъалаби.

Прокуратураялъ гьединаб тΙалаб цебе лъеялъе гΙиллалъун ккун рагΙула "Всероссийский межнациональный союз молодежи" абураб багъа-бачариялъул нухмалъулев Кантемир Хуртаевас Фондалда тΙасан гΙарз бахъи.

Амма живго Навальныяс абулеб буго президент Путинил чагΙаз 2 млрд доллар улка тун къватΙибе баччун бугин прессаялда раккарал харбазе гΙоло ургъараб жо бугин прокуратураялъ гьеб.

XS
SM
MD
LG