МагъчIваялъе рес

Азербайжаналъул Улка цIуниялъул министерлъиялда лъазабуна МугIрузул Гъарабагъалда рагъулал тунка-гIусиял чIезариялъул хIакъалъулъ. Гьединаб къотIи-къай гьабун буго Армениялъулгун.

Регионалда рекъел лъазабиялъул хIакъалъулъ информация тасдикъ гьабуна лъиданиги бачIолъи жеги лъицаниги къабул гьабичIеб МугIрузул Гъарабагъалдаги.

Гьелда цебе Армениялъул президент Серж Саргсяница лъазабун букIана жив хIадурав вугин МугIрузул Гъарабагъалъул лъиданиги бачIолъи къабул гьабизе. Гьесул рагIабазда рекъон, рагъ хIалуциналъул асар Жанубияб Кавказалъул регионалъе гуребги, Европаялъул регионалдаги букIине бегьула.

Гьебго заманалда Азербайжаналъ лъазабулеб букIана нагагьлъун оккупация гьабурал киналго территорияздаса Армениялъ жиндирго къуватал нахъе рачунел ругони, кьвагьи чIезабизе жиб хIадураб букIиналъул хIакъалъулъ.

XS
SM
MD
LG