Москваялда Манежалъул майданалда Россиялъул президент Владимир Путиние импичмент лъазабиялъул пикетал тIоритIана гIадамаз, цо-цо чиги чIун. Гьелъие гIиллалъун ккана Путинил сверухълъиялдаса чагIаз къватIир улкабазде гIарац баччулеб бугилан гьал къоязда прессаялда тIиритIизарурал баянал.
Ришватчилъиялда хурхун ва гIуцIун гьабулеб такъсирчилъиялда бан цIех-рехал гьарулеб Централъги, Журналистазул цIех-рехазул халкъазда гьоркьосеб консорциумалъги, WikiLeaks компаниялъги, гIезегIан информалатазги рахъана чанго улкаялъул тIалъиялда бугеб ришватчилъиялъул хIакъалъулъ макъалаби. Гьезда гьоркьоб Россиялъ кколеб буго гIезегIан бакI.
Путинида сверухъ ругел чагIаз "Россия" абураб банкалдасанги Панамаялъул офшоразул компанияздасанги 2 млрд-саги цIикIкIун долларал ритIун ругин Россия тун къватIиреян абуулеб буго гьениб. Амма Кремлялъ гьеб хабар гьереси гьабулеб буго.