Сириялъул рагъулал хъулухъчагIаз ва SANA абулеб пачалихъияб информагентлъиялъ лъазабуна, некIсияб Пальмира шагьаралда батун бугин 40-гIан жаназа.
Гьезда гъорлъ – руччабазул ва лъималазул жаназаби. ГIемерисезул бутIрул къотIун ругин. КIудияб Британиялда бугеб Сириялъул инсанасул ихтиярал цIунулеб централъул баяналда рекъон гIемерал улкабазда гьукъараб ва террористикияблъун рикIкIунеб «ДАГIШ гIуцIиялъул рагъухъабаз чIварал гIадамал рукъулаан гьеб шагьаралъул сверухълъиялда.
Гьалкъояз Пальмира шагьар Сириялъул пачалихъиял аскарияз хвасар гьабуна Россиялъул рагъулал хъулухъчагIазул кумекалдалъун.