Россиялъ ва Америкалъул Цолъарал Штатаз къотIи гьабун бугин Сириялъул президент Башар Асад хъулухъалдаса эркен гьавизавизе, ян абураб лъазаби Россиялъул президентасул пресс-секретарь Дмитрий Песковас нахъ чIвана.
«Я дипломатикияб, яги цогидаб къагIидаялда Россиялъ дандбалеб гьечIо лъабабилеб рахъалъул улкабазул жалго жидедаго чIараб статус», - ян абуна Песковас.
Дагьалъ цебе КIудияб Британиялда хIалтIулеб «Аль- ХIаят» абулеб гIарабияб газеталъул редакциялъ лъазабуна, Америкалъул Пачалихъияб секретарь Джон Керрица цо-цо гIараб улкабазде лъазабунин, Вашингтоналъги Москваялъги къотIи гьабунила Сириялъул политикияб процесс рагIалде бахъинабизе ва хIатта Башар Асад цогидаб улкаялде гочинавизе.