Сириялъул хIукуматалъул рагъул къуватаз ва халкъиял яргъид гIуцIарал къокъабаз Россиялъул авиациялъул квербакъиялдалъун тIубанго жидерго контролалде гъоркье босун буго Пальмира шагьар. Гьелъул хIакъалъулъ официалияб къагIидаялда лъазабулеб буго Сириялъул армиялъул нухмалъиялъ.
Лъазабулеб буго гьединго рагъул къуватаз (Россиялда гьукъараб) «Исламияб пачалихъ» абураб террористияб гIуцIиялъул шагьаралда аскIореххун хутIарал позициязда кьабиял халат рахъинарулел рукIиналъул хIакъалъулъ.
Сириялъул армиялъул вакильзабазул рагIабазда, жигьадистазул кIудиял камиял рагIула. Хун руго гIемер террористал, гьел махIрумлъун руго техникаялъул кIудияб къадаралдаса.