ГьатIан къоялъ Америкалъул Цолъарал Штатазул президент Барак Обамаца Кубаялде сапар бухьана. Прессалъ гьелда абулеб буго гьеб тарихияб визит бугин.
Обама данделъизехъин вуго Кубаялъул бетIер Рауль Кастрогун ва гражданиял хIаракатчагIигун.
Барак Обамаца гьединго калам гьабизе буго Кубаялъул телевидениялдасан.
1928 соналдаса байбихьун гьеб ккола Кубаялде Америкалъул президентасул тIоцебесеб визит. Цолъарал Штатазул ХъахIаб Рукъалъ лъазабулеб буго, Барак Обамаца Кубаялде бухьулеб сапар кколин тIоцебесеб гали гьеб улкаялъул халкъалъул гIумрудул шартIал лъикIлъизабизе гIоло гьабураб.
КIиябго улкаялъ жидерго дипломатикиял бухьенал цIигьаруна 2014 соналъул декабрь моцIалда. Гьел гьоркьоса къотIун рукIана 1961 соналда.