МагъчIваялъе рес

Human Rights Watch гIуцIиялъ Америка какула


HRW logo
HRW logo

Human Rights Watch абулеб инсанасул ихтиярал цIунулеб халкъаздагьоркьосеб гIуцIиялъ Америкалъул Цолъарал Штатал какулел руго гъоркьисала Афгъанистаналъул Кундузалда бугеб азарханаялде хвалилаб гьавадул гьужум гьабун букIиналъухъ.

Гьелъул хIасилалда 42 чи чIван вуго. Аслияб къагIидаялда гьел кколаан тохтурзаби ва унтарал гIадамал.

Америкалъул рагъулаб командованиялъ доб мехалъ лъазабуна гьеб букIанин аскариязул гъалатIилан, ва гьеб гъалатI гьабурал – дисциплинарияб жавабчилъиялде цIан ругин. Амма щивниги жаниве тIамун гьечIо.

18 марталда Нью-Йоркалда бугеб инсанасул ихтиярал цIунулеб цо къукъаялъ загьирабураб лъазабиялда абун буго, такъсирчилъиялъул цIех-рех гьабунгутIиялъ къурбаназул къадруги Афгъанистаналда бугеб къануналъул тIокIлъиги хвезабулеб бугин.

XS
SM
MD
LG