Евроцолъиялъул улкабазул церехъабаз хамиз къоялъ Брюсселалда рагьараб Евроцолъи-Туркия абулеб саммиталда турказул премьер-министр АхIмад Давудолгълуцагун къабул гьабун буго Европаялде мигрантазул чвахиялъе гIурхъи тIамулеб щвалде щвараб план. Гьеб къотIи-къай хIалтIизехъин буго 20-билеб марталдаса байбихьун.
Гьелда цебе Германиялъул канцлер Ангела Меркелица лъазабуна, гьел рукIине ругин бигьаял гурел кIалъа-басаял.
Туркиялъул пачалихъияб тIадегIанаб даражаялъул цо хъулухъчияс саммит байбихьизегIан Reuters агентлъиялъе лъазабуна, АхIмад Давадогъул хиял бугин Туркия Евроцолъиялде гъорлъе жубаялъул суал гьоркьоб лъезе.