МагъчIваялъе рес

Чачанлъиялда Игорь Каляпин вухун вуго


Каляпин вухун хадуб бахъараб сурат
Каляпин вухун хадуб бахъараб сурат

АрбагI къоялъул къаси мехалда Грозный шагьаралда шалали лъаларел тIаде кIанцIана «ГIадамазе гIакъуба кьеялда данде чIараб Комитеталъул» бетIер Игорь Каляпиниде.

Гьурмада маскаби хун, 15-гIан чияс гьев вухана. Гьев гьединго ккола Россиялъул президентасда цебе бугеб инсанасул ихтиярал цIунулеб Шураялъул гIахьалчилъун.

Кремлалъ гьелда бан лъазабуна гьеб бугин журналистазде ва ихтиярал цIунулел хIаракатчагIазде гьабулеб хIальихьатал гьужумазул иргадулаб.

9 марталда Гъалгъастаналда тIаде кIанцIи гьабун букIана инсанасул ихтиярал цIунулезул ва журналистазул къукъаялде.

Россиялъул президентасул пресс-секретарь Дмитрий Песковас абуна, гьеб гурин живго Путинил къадру хвезабиялъул хIужа, гьеб бугин регионалда тIибитIизабураб гIадатияб хулиганлъиилан.

Чачан Республикаялъул низам цIёунулез гьеб такъсиралъул цIех-рех байбихьана.

XS
SM
MD
LG