Чачан Республикаялъул пресс-секретарь Альви Каримовас Россиялъул Генералияб прокуротуроялде ва ЦIех-Рех гьабулеб Комитеталъе гIарз битIун, тIалаб гьабулеб буго ПАРНАС партиялъул нухмалъулев хисулев Илья Яшин жавабчилъиялде цIай.
Гьадин Каримовас лъазабуна Интерфакс агентлъиялъе. Гьес абуна, жинца гьадинаб тIалаб гьабулеб буго пресс-секретарь гурев - Чачан Республикаялъул хIурматияв гражданин хIисабалдаилан.
Гьесул рагIабазда рекъон 23 февралалда Яшиница гьабураб доклад – унго-унгояб бугьтан бугин. Гьеб гуребги докладалъ миллияб ва динияб рокьукълъи бижизабулеб бугин.