МагъчIваялъе рес

Президент Асадил режималъул вакилзабаз гьабуна провокациялъулаб лъазаби


Сириялда тIоритIизе кколел президентасул рищиязда сверун кIалъа-басаял тIоритIизе жидее бокьун гьечIин абураб Башар Асадил режималъул вакилзабазул рагIаби кколин провокацияйин, лъазабуна Цолъарал Штатазги Франциялъги.

КIиябго улкаялъул вакилзабаз рикIкIунеб буго гьеб кколин Сириялда хурхун тIоритIарал ракълилал кIалъа-басаязда гьарурал къотIи-къаязде данде кколареб лъазабийин. Гьезго Россияги Иранги ахIана кьвагьдей чIезабиялъул режим Дамаскалъ жиндиего пайдаялъе хIалтIизабунгутIи тIалаб гьабиялде.

Гьединал пикраби загьир гьаруна Парижалда тIобитIараб СШАялъул, Франциялъул, Британиялъул, Германиялъул, Италиялъул ва Евроцолъиялъул цогидал улкабазул данделъиялда.

XS
SM
MD
LG