Сириялъул оппозициялъул къуватаз улкаялъул магърибалъул рахъалда бортизабун буго хъукуматалъул рагъул къуватазул аэроплан. Гьелъул хIакъалъулъ оппозициялъул вакилзабазда базабун, лъазабуна Reuters агентлъиялъ.
Сириялъул рагъул къватазул вакиласул рагIабазда, оппозициялъулал гьелде кьвагьдун руго Хама провинциялда аэроплан чIезелъун гIодобе бачунеб мехалда ва гьесго лъазабуна, гьеб кколин «рагъулаб асар чIезабиялъул» къотIи-къай хвезабийин.
Гьеб мухъалда багъулеб Джаиш аль-Наср къокъаялъ лъазабуна, аэроплан бортизабунин зениталъул артиллериялдаса кьвагьдунин. Сириялда инсанасул ихтиярал тIуразариялда хадуб хал кколеб къокъаялъ лъазабулеб буго, гьеб бортизабунин хинлъиялъул лъалкI босулеб кIиго ракетаялъин.