Шималияб Кореялъул нухмалъиялъ лъазабуна, жиб хIадураб бугин Цолъарал Штатазул армиялъулгун цадахъал ругьунлъиял тIоритIулеб Жанубияб Кореялъул территориялда кьабиял щвезаризеян.
Шималияб Кореялъул генштабалъул лъазабиялда абулеб буго, гьединаб кьаби щвезабизе бугин, нагалълъун жидеда гьужум гьабизе хIадуриялъул гьитIинабго ишара бихьаницийин.
Дагьалъ цебе Цолъарал миллатазул гIуцIиялъул ХIинкъигьечIолъиялъул Мажлисалъ резолюция къабул гьабуна Шималияб Кореялде данде гьарулел санкцияби дагьалъги къувалъизариялъул. Гьеб хурхараб буго Пхеньяналъ ядерияб яргъилги баллистиял ракетабазулги гьарурал хIалбихьиязда.