Москваялъул метроялъул «Маяковская» станциялда аскIоб Надежда Савченкол рахъ ккун акция тIобитIулеб мехалда полициялъ ккун вуго 35 гIанав чи. Гьелъул хIакъалъулъ лъазабулеб буго «ОВД-Инфо» абураб агентлъиялъ.
Журналист Анастасия Зотовалъ Твиттералда хъвалеб буго, ккуразул аслияб къадар руччаби кколин, гьел ккунин Савченкол рахъ ккун цоцал кверал ккун хадурин.
7 марталда ккун вукIана Лубянкаялда бугеб ФСБялъул минаялда цебе «Надя живи!» абун хъвараб плакат ва Украиналъул байрахъ ккун акция тIобитIулев чанго активист.