Жиндаса тIаса санкцияби рахъун хадуб тIоцебесеб нухалда Monte Toledo абураб танкералъ Европаялде щвезабуна Ираналъул нарт.
Испаниялъул Альхесирас порталде щвезабуна нартил миллион гIанаб баррель. Гьеб гьенибе щвезабиялъе къваригIана 17 къо. Гьелъул хIакъалъулъ лъазабулеб буго Bloomberg агентлъиялъ. Гьелъул информациялда рекъон, Ираналъ Европаялде битIун буго нартил цIураб 29 гама. Гьезул цояб унеб рагIула Румыниялъул Константа порталде, цогидаб Франциялде.
Тегераналъул ядерияб программаялъе гIоло 2005 соналда лъазарун рукIарал халкъаздагьоркьосел санкциязул цоял Ираналдаса рахъана январалда.