МагъчIваялъе рес

Ираналъул диваналъ миллиардер чIвазе къотIи гьабуна


Бабак Занджани диваналъул данделъиялда
Бабак Занджани диваналъул данделъиялда

Ираналъул диваналъ къотIи гьабуна миллиардер Бабак Занджани чIвазе. Гьев гIайибиявлъун рикIкIун вуго коррупциялда ва экономикиял такъсирал гьариялда бан. Гьев ккола улкаялда вищун бечедав бизнесчи.

Гьесда тIадаб буго бикъараб гIарац пачалихъалъе нахъе кьезе. Гьесие ихтияр кьун буго махIкамаялъул хIукмуялда бан дагIба гьабизе.

Занджани ккун вугоан 2013 соналъул декабрь моцIалда. Доб мехалъ гьесул бечелъи 14 миллиард долларалде бахун букIана. Абулаан, гьес къватIисел улкабазе нарт бичулаанин, Ираналде лъазарурал санкциязукьа къануналде данде кколареб къагIидаялъ ворчIун.

Америкалъул Цолъарал Штатаз ва Евроцолъиялъ гьев жиндирго чIегIераб сияхIалде восана.

XS
SM
MD
LG