Россиялъул улка цIуниялъул министерлъиялъ Туркиялде гIунтIизабуна Сириялда ругел террористазе рагьараб къагIидаялъ квербакъи гьабиялъул гIайиб. Гьадин лъазабуна Сириялда ракълилаб къотIи-къаялъул шартIал цIунулеб Россиялъул Централъул бетIер генерал Сергей Кураленкоца.
Гьесул рагIабазда рекъон Туркиялдаса Сириялде чIечIого рачунел ругин тIад ярагъгун ва цогидал рагъулал алаталгун кIудиял автомашинаби. Туркиялъул аскарияз гьединго кьвагьдолел ругин террористикиял гIуцIабазде данде чIарал курдазул къукъабазде, ян абуна Россиялъул генералас.