Москваялъул Пресненский абулеб диваналъ кIиго моцIалъ ккуна ункъго сон барай сакъатай яс вахIшияб къагIидаялда чIварай Узбекистаналдаса Гюльчехра Бобокулова.
Лъица дуда гьеб тIадкъарабилан абураб журналистазул суалалъе жаваб кьолаго, гьелъ абуна: «Аллагьас тIадкъанин».
Интерфакс агентлъиялъул лъазабиялда рекъон Узбекистаналъул низам цIунулез Россиялъул тIадтаразде лъазабунин Бобокулова шизофрения унтиялъ унтарай гIадан йигин ва жиндирго ватIаналда гьей психиатриялъул азарханаялда чанги нухалъ егизаюн йикIанин. ГIага-божараз гьелъухъа жиндирго лъимал нахъе рахъун рукIанин.
Бобокулова жинде гIунтIизабураб гIайибалъе мукIурлъана. Диваналъул данделъиялда суравчияс абуна Бобокуловалъул ишцоялги рукIине бегьулилан. Гьеб такъсиралъул цIех-рех халат бахъунеб буго.