Кремлалъ квербакъи гьабун буго Россиялъул федералдиял телеканалаз гьабураб хIукмуялъе – ункъго сон барай яс вахIшияб къагIидаялда чIваялъул хIакъалъулъ цIиял харбазул программабазда бицен гьабичIого тезе. Президентасул пресс-секретарь Дмитрий Песковас абуна тIадтараз телеканалазе гьадинаб буюри кьун букIинчIин, гьеб букIанин гъозул хасаб жигарилан.
Ва гьеб гьабун бугин миллияб рокьукълъиялъул цIияб карачел цебеккунго нахъчIвай мурадалда. Дагьалъ цебе цо-цо гIурус миллатчагIаз тIалаб гьабуна Централияб Азиялъул улкабигун визаялъул низам тIад чIезаби.
Итни къоялъ Москваялда «Октябрьское поле» метроялъул станциялда аскIоб полициялъ ккуна чIвараб лъимералъул бетIергун кодоб «Аллагьу Акбар» - ян ахIулей йикIарай чIужу-гIадан.