Ираналда 26 февралалда парламенталде ва экспертазул Шураялде рукIарал рищиязда, цересел баяназда рекъон, бергьунел руго улкаялъул президент ХIасан Руханил рахъ кколел. Рищиязда Руханица гIахьаллъи гьабун буго экс-президент Акбар Гьашим Рафсанжанигун коалиция гIуцIун. Микьго соналъул болжалалде бищулеб цIияб парламенталъ вищизе ккола улкаялъул ТIадегIанав лидер аятолла ГIали Хаменеи хисизесев чи. Гьев гьеб хъулухъалда вуго 1989 соналдаса нахъе. Щив гьенив телевали вихьизавизе ккола экспертазул Шураялъ.