МагъчIваялъе рес

Сириялда къуваталде лъугьун буго кьвагьи чIезабиялъул низам


Латакия
Латакия

Россиялъ чIезе тун руго Сириялда лъабго рагъулаб къукъаялъул позициязда гьарулел рукIарал авиакьабиял. Жидерго иргаялда гьел къукъабазги лъазабун буго кьвагьи чIезабулеб букIиналъул.

Америкаялъухъе кьун буго гьединал гIуцIабазул сияхI ва гьезда вуго 6000ялдаса цIикIкIун чи. Гьединго сияхIалда буго жидеде кьвагьизе бегьулареб 74 росдал цIарги. Гьедин лъазабуна шамат къоялда Россиялъул Генштабалъул аслияб оперативияб идараялъул бетIер Сергей Рудскояс. Гьединабго магIнаялъул баяналъ Америкаялъги кьун руго Россиялъул рахъалъухъе.

Россиялъул улкацIуниялъул министерлъиялъ тасдикъ гьабулеб буго 27 февралалда Сириялда тIад улкаялъул авиация боржичIолъи.

Сириялда кьвагьи чIезабиялъул низам къуваталде лъугьун букIана рузман къоялдаса шамат къолъул сардилъ. Амма шамат къоялъул радалго рукIана гьеб низам хвезабиялъул лъазабиялги.

XS
SM
MD
LG