Ираналда рузман къоялда тIоритIулел рукIана парламенталде рищиял. Гьез гьединго бищулеб букIана экспертазул цIияб Ассамблеяги. Гьеб буго улкаялъул тIадегIанав лидер вищулеб ва гьесие контроль гьабулеб аслияб Шура. РукIана рищиязда гIемерав чи гIахьаллъулев вугин абураздаса дагьал гIадамал гурони гьаркьал кьезе рачIунел гьечIин абуразде щун батIи-батIиял лъазабиял. ГIемерал рищарухъабазул лъазабулеб букIана улкаялъул тахшагьар Тегераналдасан. Ахвазгун Ширазалда рищарухъабазул читIирал рихьизарулел рукIана бакIалъул телевидениялъги.
Рищиязда аслияб къеркьей унеб букIана президент ХIасан Роуханил рахъ кколел реформаторазда ва консерваторазда гьоркьоб.