Сириялда оппозициялъул аслияб цолъи- КIалъа-ралъаял гьариялъул ТIадегIанаб комитеталъ лъазабуна 27 февралалдаса нахъе кьвагьи чIезабизе ракIалда бугин жидедайин.
СагIудиязул ГIарабиялъ рахъ кколеб гьеб комитеталъул хьул буго улкаялда чIезабизе бугеб «сихIтеялъул режималъ» конфликтазул рахъазе хIакъикъаталдаги рекъел къваригIун бугищ гьечIищали бихьизабизе букIинада.
22 февралалда Москвагун Вашингтоналъ къотIи гьабун букIана Сириялъул хIукуматалъул аскаразда ва рагъулаб оппозициялда гьоркьоб заманаялъ кьвагьи чIезабизе. Америкаялъул Пачалихъияб департаменталъ лъазабуна гьеб рекъел гьабиялъул низам 27 февралалда, бакIалъул заманалда рекъон, сордо бащалъараб мехалда, къуваталде лъугьине бугин.
Хадусеб къоялъ Сириялъул къватIисел ишазул министерлъиялъ лъазабуна гьеб Дамаскалъе рекIее гIолеб бугин. Гьел киналго ракълилал къотIиязул биценал ДАГIШалда ва «Ан-Нусри Фронталда» хъинтIулел гьечIо. Гьелгун гьабулеб рагъ чIезабизе ракIалда гьечIо.