Россиялъ 25 февралалда ватIаналде депортация гьабун буго Сириялдаса лъутун вачIун вукIарав лъабго чиясе. "Гражданское содействие" комитеталъ рикIкIунеб буго рагъ бугеб ватIаналде гIадамал тIадруссинариялъулъ гьезул гIумруялъе хIинкъи бугин ва гьеб хIукмуялъ хвезарулел ругин киналго халкъаздгьоркьосел ихтияралин.
Лъутаразул цоясул гIарзаялда рекъон, инсанасул ихтиярал цIуниялда сверун Европаялъул диванханаялъ арбагI къоялда къабул гьабун букIана рагъ бугел улкабазде нахъе гIадамал ритIизе гьукъулеб хIукму.
Инсанасул ихтиярал цIунулезул «Мемориял» централда цебе бугеб
«Миграция и право» абулеб идараялдаса адвокат МухIамадов Шамилица ва «Гражданское содействие» комитеталъ хIалбихьулеб букIун буго гьеб депортация чIезабизе, амма бажарун гьечIо.