Киевалда Незалежности Майданалда «Революциялъулал квараназул къуватазул» активистаз бакIарараб вечеялда, ай халкъияб мажлисалда гIахьаллъарав азаргогIанав чияс премьер-министр арсений Яценюк, Миллияб банкалъул, Генштабалъул ва Миллияб хIинкъигьечIолъиялъулгун улка цIуниялъул мажлисалъул бутIрул хъулухъздаса нахъе ин.
Нагагьлъун улкаялъул жакъасеб курс хисизабичIони, рес бугин президент Петр Порошенкое импичмент лъазабиялъул суал борхизабизеян, лъазабун буго акция гIуцIараз.
Протест загьир гьабулез лъазабулеб буго, жал кколин РПСалъул, ай, «Революциялъулал квараназул къуватазул» рахъ кколел гIадамалин.
Украиналъул информалатаз лъазабулеб буго РПС гIуцIун бугин кваранал радикалиял гIуцIиязул вакильзабаздасин, гьездего гъорлъе унел рагIула Россиялда гьукъараб букIараб «Правый секторалъул» ва «Азов» батальоналъул гIахьалчагIиги.
ГьатIан къоялъ радал Профсоюзазул Рукъалда аскIоб гьездаги низам цIунулездаги гьоркьоб ккун буго гьитIинабго тунка-гIуси.