Суверенитет ва улкаялъул тIолголъи цIуниялъул тIалаб жиндилъ бугеб Сириялда хурхун Россиялъул резолюциялъул проект нахъ чIвана Цолъарал миллатазул гIуцIиялъул ХIинкъигьечIолъиялъул мажлисалъ. Проекталде данде гьаракь кьуна Франциялъ, Цолъароал Штатаз ва Британиялъ.
Резолюциялъул Россиялъул проекталда гьединго рукIана Сириялда кинабго кьвагьдей чIезабиялъул, гIорхъаби хвезарунгутIиялъул ва ракьдатIасаб рагъулаб акциялдаса инкар гьабиялъул тIалабал. ХIинкъигьечIолъиялъул мажлисалъул данделъиги бакIараун букIана Россиялъул ахIиялда рекъон.