Америкаялъул аваиациялъ кьаби щвезабуна Ливиялда бугеб исламистазул мархьиялда. Авиарейдалъул мурад букIун буго гъоркьиса Тунисалда кIиго тIаденкIанцIи гьабиялде хурхен бугев экстремистиял къокъабазул кIудияв хъулухъчи тагIинави. Гьелъул хIакъалъулъ лъазабулеб буго The New-York Times газетаялъ.
Газеталъе информация кьурав хъулухъчияс лъазабун буго, Триполиялъул рагIаллъабазда бугеб Сабратыялда щвезабураб авиакьабиялъул хIасилалда хун вугин (Россиялдаги цогидал улкабаздаги гьукъараб) «Исламияб пачалихъ» гIуцIиялъул рекрутазул 30-ялдаса цIикIкIун чи.
Гьел рукIуне кколин Тунисалъул гражданалин, лъазабун буго жиндир цIар бицинчIев хъулухъчияс.
Дагьалъ хадуб бачIараб информациялда рекъон, Цолъарал Штатаз тасдикъ гьабулеб буго жидерго авиакъуватаз Ливиялъул рехсараб бакIалда кьаби щвезабун букIиналъул информация.