«Батькивщина» абураб фракциялъ хIукму гьабуна Украиналъул ТIадегIанаб Радаялъул нухмалъуда бугеб коалициялдаса нахъе лъугьине. Гьелъул хIакъалъулъ арбагI къоялда лъазабуна фракциялъул лидер Юлия Тимошенкоца.
Цебе лъазабулеб букIана парламенталъул хIалтIиялъе «Самопомощь» абураб партиялъ бойкот лъазабиялъул хIакъалъулъ. Гьединаб къагIидаялда гьез протест гьабулеб рагIула талат къоялда премьер-министр Арсений Яценюкие божунгутIиялъул вотум лъазабиялда хурхун загьирлъарал гьаркьал кьеялъул хIасилазде.
16 февралалда ТIадегIанаб Радаялъ Яценюкил кабинеталъул хIалтIи рикIкIана тохаблъун. Гьедин букIаниги, гьев хъулухъалдаса нахъе вахъизе бажаричIо.