Россиялъул финансазул министерлъиялъ Лондоналъул тIадегIанаб диваналде гIарза кьуна Киевалъ 3 миллиард долларалъул кредит нахъе буссинабунгутIиялда хурхун. Гьелъул хIакъалъулъ лъазабуна Россиялъул финасазул министр Антон Силуановас.
Бицен гьабулеб рагIула Россиялъ росун рукIарал Украиналъ 2013 соналъул ахиралда риччан рукIарал еврооблигациязул.
Силуановасул рагIабазда, Киевалъ гьезухъ гIарац кьезе кколеб букIун буго 20I5 соналъул 21 декабрь щолелде. Цингиги 3I декабралда лъугIун буго гьеб къацанди рагIалде бахъинабиялъул мурадалда тIадеги кьун букIараб болжалги.
Силуановасул пикруялда, Лондоналда тIобитIизесеб диваналъул процесс букIине ккола рагьараб ва баянаб.
17 декабралда Халкъазда гьоркьосеб валютаялъул фондалъул директорзабазул мажлисалъ тасдикъ гьабун буго Россиялъе Украиналъул налъиялъул официалияб статус.
Хадусеб къоялда Украиналъул премьер-министр Арсений Яценюкица лъазабуна Россиялъул налъи нахъ буссинабиялъе мораторий.