Роспотребнадзоралъул лъазабиялда рекъон, Россиялъул территориялде баянлъун буго Зика абураб унти щварай чIужугIадан ятилъул хIужа. Унтаралъ хIухьбахъулеб букIун буго Доминиканазул республикаялда.
Чанго къоялдаса хадуб гьей унтун йиго. Гьанже гьей лъун рагIула инфекциязул стационаралда хасаб боксалда жаний.
Гьебго идраялъ лъазабулеб буго чIужугIадан тIад йикIараб аэропланалда жаниб хасал санитариял тадбирал тIоритIиялъул ва пассажиразе кинаб гIаги хIинкъи гьечIолъиялъул хIакъалъулъ.Россиялъул климаталъул зонаялда Зика унти тIибитIиялъул хIинкъи гьечIин, лъазабулеб буго гьединго Роспотребнадзоралъ.