Босниягун Герцоговинаялъ официалияб гIарза кьуна Евроцолъиялде лъугьиналъул мурадалда.
Гьелъул хIакъалъулъ итни къоялда лъазабуна Евроцолъиялъул къватIисеб политикаялъул тIадегIанай вакил Федерика Могериница.
Ротациялъул къагIидаялда гьанже цолъиялъул нухмалъи гьабулеб Нидерландазул къватIисел ишазул министр Берт Кундерсица лъазабуна, Брюсселалъе ракIалъе гIолеб бугин «Босния реформабазул нухалде нахъе буссун букIин бихьизеян».
Босниялъул премьер-министр Денис Звиздичил рагIабазда, гьесул хьул буго жакъа 28 улка гъорлъе унеб Евроцолъиялде гъорлъе лъугьиналъул кандидаталъул статус гьесул улкаялъе 2017 соналда щвезе букIиналде.