Дербент мухъалъул Джемикент росда аскIоб бугеб ГИБДДялъул посталда гьабураб теракталъул хIасилалда хун вуго 4 чи ва лъукъаразул къадар кIудияб бугин лъазабулеб буго Дагъистаналъул низам цIунулел идарабаз.
Кьвагьи ккун буго, нухлол полициялъул хIалтIухъабаз ВАЗ автомобиль документазул хал гьабиялъе чIезабурабго.КIуватиял структурабазул версиялда рекъон, кьвагьи гьабун батизе бегьула «Исламияб пачалихъ» абураб Россиялдаги цогидал улкабаздаги гьукъараб экстремистияб гIуцIиялъул идеология къабул гьабулев Астраханалда цIалулел 23 сон барав дагъистанияв А.ТIалибов абураб студентас.