ГьатIан къоялъ Туркиялъул аскарияз Сириялъул шималияб рахъалда ругел курдазул позициязде нахъеги кьвагьдей гьабуна. КIиго курдав чIван вуго. Гьадин лъазабуна Лондоналда бугеб Сириялъул инсанасул ихтиярал цIунулеб Централъ.
Reuters агентлъиялъул баяналда рекъон Туркиялъ къасд гьабулеб бугин Алеппо шагьаралдаса «Курдазул бодул» къеркьохъанал нахъе гъезе. Туркиялъул Премьер-министр АхIмад Давудогълуца шамат къоялъ лъазабуна Туркиялъул аскарияз рагъ бачунеб бугин жидее хIинкъи кьолел къуватазде данде.
«Демократикияб цолъи» абулеб Сириялъул курдазул партия Туркиялъ рикIкIунеб буго гьукъараб ва террористикияблъун лъазабураб Курдазул ХIалтIул партиялъулгун бухьенал ругеб гIуцIилъун.
Гьеб партиялде данде турказ 30 соналда жаниб рагъ бачунеб буго.