Россиялъул президент Владимир Путиница хIалхьиялде инавуна Россиялъул ЦIех-Рехалъул комитеталъул Чачан республикаялда бугеб идараялъул бетIер Сергей Девятов. Гьеб амруялъул текст загьирабун буго официалияб сайталда.
Гьанже щив гьеб хъулухъалде тIамизехъин вугин абураб суалалъе жаваб жеги гьечIо. Щиб ккараб гьадинаб хIукмуялъе гIиллалъун, абураб журналистазул суалалъе жаваб кьолаго Россиялъул президентасул пресс-секретарь Дмитрий Песковас абуна гьеб бугин гIадатияб ротационияб процессилан. Сергей Девятовас рехсараб хъулухъалда хIалтIулаан 2014 соналлдаса байбихьун.