Туркиялъул президент Ражаб Эрдогъаница Россиялда гьабулеб буго Сириялъул «кверда ругьунаб пачалихъ» гьабизе къваригIун букIиналъул гIайиб. Гьес гьедин абуна рузман къоялда Стамбулалда журналистазде. Гьесул пикруялда, Сириялъул территориялда гIадамал чIваралъухъ Москва жавабчилъиялде цIазе ккола. Гьенив 400 азарго чи чIваялъул гIайиб Москвагун Дамаскалда бугин рикIкIунеб буго Эрдогъаница. Цолъарал Миллатазул ГIуцIиялъул баяназда рекъон, Сириялда рагъулаб конфликт байбихьаралдаса хун вуго 260 азарго чи. Араб соналъул 30 сентябралда Россиялъ Сириялда авикьабиял гьаризе байбихьаралдаса президент Асадида бажарун буго рагъулаб оппозициялъ бахъун букIараб улкаялъул территориялъул цо бутIаялда тIад контроль босизе.