Чачанлъиялъул бетIер Къадиров Рамзаница итни къоялде къаси Инстаграммалда лъун буго Россиялъул премьер-министрлъун вукIарав Михаил Касьянов ва «Рагьараб Россия» абулеб оппозиционияб партиялъул вакил Владимир Кара-Мурза (вас) снайперасул тункIица гIужие росараб видео. Гьелда гъоркь кьун буго-«Касьянов Страсбургалде вачIун вуго Россиялъул оппозициялъе гIарцуда хадув» ва «БичIчIинчIесда бичIчIизе»-ян абураб кIиго мухъ. Къадировас цебеги абун букIана Россиялъул системаялъулаб гуреб оппозиция «халкъалъул тушбаби» гурин. Гьесул гьеб каламалъе кьварараб критика гьабун букIана жибго оппозициялъ.
Къадировас Инстаграммалда гIужие восун вуго Касьянов
![Къадировас Инстаграммалда гIужие восун вуго Касьянов ва Кара-Мурза (вас)](https://gdb.rferl.org/e8b20cd8-07f9-4317-8ccb-77a84581edf3_w250_r1_s.png)