Цолъарал Штатазул президент Барак Обама президент хIисабалда 3 февралалда тIоцеве щвезе вуго Мэрилэенд штаталъул Балтиморалда бугеб мажгиталде. Гьев дандчIвазе вуго бусурбабазул жамгIиятазул лидералгун ва цеве вахъине вуго бусурбабазда цеве.
Baltimore Sun газетаялъ хъвалеб буго, президентас мажгиталде визит тIобитIи хурхараб бугин бусурбабазде квешаб бербалагьи бижиналъул хIинкъи букIиналдайин.
Обамаца американиял ахIана бусурбабазде данде пикраби загьир гьариялдаса инкар гьабиялде. ТIоцебего гьеб ахIи буссуараб букIана Республиканияб партиялдаса Америкаялъул президентасул хъулухъалде кандидат Дональд Трампиде. Цебесеб соналъул Сан-Бернардино шагьаралда кьвагьдей ккун хадуб, ахирисес ахIулел рукIана Цолъарал Штатазде бусурбабазе нух къаялде.