Шамат къоялъ радал Буйнакск, Гъарабудахкент ва Кумторхъала мухъазул гIорхъабазда аскIобеххун лъазабун буго контртеррористияб операциялъул режим.
Ралагьулел рагIула экстремизмалде хурхен букIиналъул ва гьединазе кумек гьабиялъул щаклъи бугел гIадамал.
Гьелдаго цалдахъ информалатаз лъазабулеб буго, Дагъистаналда 2015 соналда жаниб низам цIунулел идарабаз ва МаслихIат гьабулеб комиссиялъ гьабураб хIалтIиялъул хIасилалда, 65 чияс гIарза хъванин ракълилаб гIумруялде нахъе руссине бокьиялда хурхарабин.
Гьединаб информация загьир гьабуна республикаялъул Антитеррористияб комиссиялъул данделъиялда 29 январалда. Гьелда гIахьаллъана республикаялъул бетIер Рамазан ГIабдулатIипов ва Шималияб Кавказалъул федералияб округалда президентасул вакил Сергей Меликов.