Москваялда Москворецкалъул кIудияб кьода гьаб моцIалда лъабабилеб нухалда биххизабуна Борис Немцовасе халкъияб мемориал.
Лъазабиязда рекъон, гьеб ккун буго гьелда цебе полициялъ мемориал цIунулев кIиго жамгIияв хIаракатчи ккун хадуб. Полициялъ лъазабун буго гьениб тунка-гIуси кканин.
Гьел рачун ун хадуб, Борис Немцов чIваралдаса, ай цебесеб соналъул 27 февралалдаса нахъе гьениб бугеб жамгIияб мемориал биххизабуна кьоязе хъулухъ гьабулеб компаниялъул хIалтIухъабаз.