Human Rights Watch абураб халкъазда гьоркьосеб инсанасул ихтиярал цIунулеб гIуцIиялъ лъазабулеб буго, Ираналъул нухмалъиялъ Афгъанистаналдаса лъутизе ккаразул ва мигрантазул цоял Сириялде рагъизе ритIулел ругин.
Ираналъ рахъ кколеб буго президент Башар Асадил режималъул ва гьелъие рагъулаб кумек гьабулеб буго. Гьеб кумекалъул цо рахъ кколеб рагIула гьенире, шиитазул хириял бакIал цIунизейинги абун, рагъизе гIадамал ритIи.Human Rights Watch гIуцIиялъ абулеб буго цо-цо афгъанияз гIарз гьабулеб бугин жидерал депортация гьабиялъул хIинкъиял кьун Сириялде рагъизе ине ккезарулел ругин.