МагъчIваялъе рес

Кремлалъ какана СШАялъул талъиялъул вакилзабаз Россиялъул президентасда хурхун гьарурал лъазабиял


«Цим бахъинабулелги хIакъир гьарулелги» ругин Россиялъул президент Владимир Путинил коррупциялде хурхен букIине бегьиялда хурхарал Цолъарал Штатазул нухмалъиялъул вакильзабаз загьир гьарурал пикрабиян, лъазабуна Кремлалъ.

ХъахIаб Рукъалъул вакилас хамиз къоялда лъазабуна, Цолъарал Штатазул финансазул минстерлъиялъул Путинил коррупциялде хурхен букIине бегьиялъул лъазабиялъ бихьизабулеб бугин Цолъарал Штатазул официалияб позицияйин.

«Нилъеда бихьулеб буго, океан тун доб рахъалда кIиго соналдаса гурони тIоритIуларел президентасул рищиязде хIадурлъи байбихьун букIин. Баянго бихьулеб буго нилъер нухмалъулесда хурхараб негатив бакIарулеб букIин», - ян лъазабуна Россиялъул президентасул пресс-секретарь Дмитрий Песковас.

XS
SM
MD
LG