МагъчIваялъе рес

Ккун вуго Россиялъул авиалайнер кьвагьизабиялъул щаклъи бугев ункъго чи


Мисралъул талъиялъ ккун вуго Россиялъул Airbus А321 кьвагьизабиялде хурхен букIиналъул щаклъи бугев 4 чи. Гьелъул хIакъалъулъ Metrojet абураб Россиялъул авиакомпаниялда базабун, лъазабулеб буго Reuters агентлъиялъ. Агентлъиялъул баяназда рекъон, гьел кколел рагIула EgyptAir компаниялъул механик, кIиго полициялъулав ва багаж баччIулев чи.

Агентлъиялъе информация кьураб цогидаб рахъалъ лъазабун буго, аэропланалда мина лъеялъул щаклъи бугин «Исламия пачалихъ» абураб Россиялдаги цогидал пачалихъаздаги гьукъараб экстремистияб гIуцIиялда гъорлъ жиндир вацгIал вугев EgyptAir компаниялъул механикасдайин.

Мисралъул официалияб нухмалъиялъ гьанжеги кинал гIаги лъазабиял гьарулел гьечIо.

Шарм аль-Шейх шагьаралдаса Санкт-Петербургалде унеб Россиялъул авиалайнер бортана Синаялъул бащдабчIинкIияллъиялда 31 октябралда. Хвана 224 пассажир. Гьел аслияб къагIидаялда рукIана Россиялъул гражданал.

XS
SM
MD
LG