Крымалда инсанасул ихтиярал цIуниялда сверун ахIвал-хIал баянлъизабиялъул хIалтIи байбихьана Евромажлисалъул хасаб делегациялъ.
Европаялъул мажлисалъул генералияв секретарь Турбьерн Ягландил лъазабиялда абухъе, «соналдаса цIикIкIун заманалъ халкъаздагьоркьосел гIуцIиязул цогIаги делегациялъе рес щун букIинчIо Россиялъ аннексия гьабураб бащдабчIинкIиллъиялде щвезе».
Ягландил рагIабазда, делегация хъвазе гьечIо Крымалъул бетIергьанлъиялъул суалалда.
Россиялъул КъватIисел ишазул министерлъиялъ лъазабуна, делегация Крымалде бачIанин Москваялъулгун суалалги дандранин.Халкъаздагьоркьосел инсанасул ихтиярал цIунулел гIуцIабаз ва Крымалъул татаразул вакильзабаз чанго нухалъ лъазабуна инсанасул ихтиярал регионалда хвезарулел рукIиналъул хIакъалъулъ.