Америкалъул Цолъарал Штатал ва Туркия хIадурал руго «Исламияб пачалихъалде» данде рагъулаб иш байбихьизе. Гьадинаб лъазабигун цеве вахъана Америкалъул вице-президент Джо Байден Туркиялъул премьер-министр АхIмад Давудогълугун тIоритIарал кIалъа-басаяздаса хадуб. Туркиялда букIараб цадахъаб пресс-конференциялда кIиявго политикас дандбана Сириялда бугеб ахIвал-хIалалъул суал.
Байден гьединго дандчIвана Туркиялъул президент Ражаб ТIайгьип Эрдогьангун. Байденица какана Туркиялда рагIуе эркенлъиялъе гьурхъаби тIамулеб ишги, журналистазе хIинкъаби кьолел ва оппозициялде хияналъи гьабиялъул гIайибал гIунтIизарулел хIужабиги.