Косовоялъул Митровица абулеб шагьаралъул диваналъ къотIи гьабуна Сербазул политик 63 сон барав Оливер Иванович ичIго соналъ жаниве тIамизе. Гьесде гIунтIизабураб гIайиб – 1998-99 соназда Косовоялъул конфликт унеб мехалда албаниязул цо къукъа чIвай.
Иванович ккола Косовоялъул сербазул церехъабазул цояв. Ивановичие диван гьабулеб мехалда гьесие квербакъи гьабулаан Белградалъул тIалъиялъ. Амма гьелда балагьичIого гIаммаб къадаралда 80-гIан нугIзаз рачарал далилал гIадахъ росана Румыниялдаса диванчIужу Роксана Комшица.