КIудияб Британиялъул къасд гьабулеб буго Россиялде данде цIиял ишал гьариялъе ресал ралагьизе. Гьадинаб хиял бижун буго ФСБ-ялъул вукIарав офицер Александр Литвиненко чIваялъул цIех-рех ахиралде щун хадуб.
Диванчи Роберт Оуэница гьабураб хитIабалда абун буго гьеб такъсир гьабиялъул иш Россиялъул президент Владимир Путиница къабул гьабун батилин. Премьер-министр Дэвид Кэмероница лъазабуна Литвиненкол чIвай Россиялъул тIадегIанаб даражаялъул тIалъиялъ тIадкъан бугин.
Кремлалъ гьеб гIайиб нахъ чIвалеб буго.