Россиялъул президентасул пресс-секретарь Дмитрий Песковас гьарана, системияб гуреб оппозиция халкъиял тушбаби кколин абураб Чачан Республикаялъул бетIер Рамзан Къадировасул каламалда бан ахIи-хIур багъаризабуге, ян абун.
Песковасул рагIабазда рекъон гьадиналлъун Рамзан Къадировас рикIкIунел ругин улкаялъул политикияб гIатIилъиялдаяса ратIалъун чIарал гIадамал. Гьез пачалихъ цебетIеялъе щибниги гьабулеб гьечIо, ян абуна Песковас.