Афгъанистаналъул тахшагьар Кабулалда бугеб Россиялъул вакиллъиялъул минаялда аскIоб живго жинцаго чIвазе хIукму гьабурас автомобиль кьвагьизабун, жиндаго цадахъ жеги щуго чи чIвана.
Гьадин дурус гьабуна Афгъанистаналъул жанисел ишазул министерлъиялъул вакил Нажиб Данишица.
Россиялъул вакиллъиялъ лъазабухъе чIваразда гъорлъ жиндирго дипломатал гьечIин. Жеги лъицаниги тIад босичIо гьеб теракталъул жавабчилъи, амма гьадинал тIаде кIанцIиял ТIалибан багъа-бачариялъе хасиятал руго, ян абулеб буго низам цIунулез ва экспертаз.