ЧIегIернартил багьа рещтIун буго цо баррелалъухъ 30 долларалде. Гьедин гьаб анкьида жаниб нартил багьа кIиабилеб нухалда бортун буго. ХIинкъи буго Ираналъ нартил экспорт байбихьиялдаги. Гьеб байбихьизе рес буго МАГАТЭялъ ай Атомияб энергетикаялда сверун Халкъаздагьоркьосеб Агентлъиялъул докладалда бицине бугелда. Дунялалъул цере тIурал улкабигун гьабураб къотIи Тегераналъ цIунанин яги цIуничIин гьеб докладалда абиялда.
Дунялалъул базаралда нартил багьа 70 проценталъ гIодобе ккей бараб буго базаралда нартил къадар цIикIкIиналда. Гьелъ кIудияб асар гьабуна Россиялъе ва нартил экспорталда экономика барал цоги улкабазе.